PISUUSSUTIT, AVATANGIISIT TEKNIKILU PILLUGIT ILISIMATUSARNEQ
Pinngortitaleriffik
Pinngortitaleriffik Namminersorlutik Oqartussat pinngortitamik ilisimatusarnernik ingerlataannut eqiteruffiuvoq. Pinngortitaleriffik Nuummiippoq 1995-milu pilersinneqarluni.
Kalaallit Nunaanni eqqaanilu pisuussutinik uumassusilinnik
nungukkiartuutaanngitsumik atuinermut ilisimatuussutsikkut
tunngavissiinissamut, avatangiisit uumasullu assigiinngisitaartut
amerlassusiinik qulakkeerinninnissamut, Namminersorlutik Oqartussanut
siunnersuinermi minnerunngitsumillu ilisimatusarnermi angusanik tamanut
saqqummiussisarnissaq Pinngortitaleriffiup siunertaraa.
Pinngortitaleriffik Pinngortitaleriffimmilu suliassat pillugit
paasisaqarnerorusukkuit nittartagaq una takuuk: www.natur.gl
Qallunaat Nunaanni Kalaallit Nunaannilu Ujarassiuut Misissuisoqarfiat (GEUS)
GEUS-imit suliarineqarput ujarassiornermik ilisimatusarnerit, ilisimatusarnerit, siunnersuinerit ujarassiornermi sumiiffilersuinerit - pingaartumik Danmarkimut Kalaallit Nunaannullu tunngatillugu GEUS danskit Klima- og Energiministeriaani ilisimatusarfiuvoq siunnersuisarfiullunilu.
GEUS'p sulinera atuagassiallu nittartakkami uani nassaarineqarsinnaapput: www.geus.dk
Danmarkimi Avatangiisinik Misissuisoqarfik
Danmarkimi Avatangiisinik Misissuisoqarfiup (DMU) suliassaasa pingaarnersaraat Kalaallit Nunaanni uuliaqarneranik aatsitassaqarneranillu misissueqqissaarnermut taamatuttaaq Kalaallit Nunaanni aatsitassarsiornermut atatillugu misissuisarnissaq nalilersuisarnissarlu. Suliassat suliarineqartarput Aatsitassanut Ikummatissanullu Pisortaqarfiup suliassanik tamakkuninnga oqartussaasutut suliaqarneranut tapertaatillugit.
DMU pillugu nittartakkami uani sukumiinerusumik takuuk: www.dmu.dk
Asiaq - Kalaallit Nunaanni Misissueqqaarnerit
Misissueqqaarnerit (ASIAQ) Kalaallit Nunaanni avatangiisit “uumassuseqanngitsut” pillugit paasissutissanik katersuisarpoq. ASIAQ-p nunap uuttorneqarnera aamma ujarassiornermi tekniki, imermik ilisimatusarneq, silap pissusia misissuinerlu ingerlatsinermi suliassat nalinginnaasut suliarisarpai. Ilaatigut suliniutini maannakkut ingerlanneqartuni assigiinngitsuni peqataanikkut.
Asiaq pillugu nittartakkami uani sukumiinerusumik takuuk: www.asiaq.gl
Center for Arktisk Teknologi
Center for Arktisk Teknologi Kalaallit Nunaata Danmarkillu suleqatigiinnerisigut pilersinneqarpoq, Kalaallit Nunaanni sumiiffinni inoqarfiusuni teknikkikkut ilisimatuussutsikkullu ilisimatusarnerup nukittorsarneqarnissaa siunertaralugu.
Center for Arktisk teknologiip pingaarnertut sammisarai sanaartorneq, avatangiisit, aatsitassat nukissiuuteqarnermullu tunngassuteqartut, ilaatigut ilisimatusarnermut tunngatillugu.
Nittartagaq una sukumiinerusumik takuuk: www.groenlandica.gl